English ಕನ್ನಡ ತುಳು          Call us : 0824 2459389          Email us : info@tuluacademy.org

2011-2013

ಶ್ರೀ ಉಮಾನಾಥ್ ಕೋಟ್ಯಾನ್

‘ಶ್ರೀ ದುರ್ಗಾಪ್ರಸಾದ್’, ೪-೯೯/೫

ಕಾವೂರು ಮೆಸ್ಕಾಂ ಸ್ಟೋರ್ಸ್ ಹಿಂಬಾಗ,

ಬಾಯಾಡಿ ರಸ್ತೆ, ಅಂಚೆ: ಕುಂಜತ್ಬೈಲ್,

ಮರಕಡ ಗ್ರಾಮ ಮಂಗಳೂರು-೧೫

ಅಧ್ಯಕ್ಷರು
 
ಶ್ರೀ ಜಗನ್ನಾಥ ಶೆಟ್ಟಿ ಬಾಳ

‘ಅಕ್ಷರ’, ಸುಭಾಷಿತ ನಗರ

ಬಂಟರ ಭವನ ಹತ್ತಿರ, ಸುರತ್ಕಲ್

ಮಂಗಳೂರು. ೫೭೫೦೧೪

ಸದಸ್ಯರು
 
ಶ್ರೀ ಪದ್ಮನಾಭ.ಎಸ್.ಭಟ್

ಶ್ರೀಕಮಲ ಅಂಚೆ: ಎಕ್ಕಾರು

ಮಂಗಳೂರು – ೫೭೪೫೦೯

ಸದಸ್ಯರು
 
ಶ್ರೀ ತುಕಾರಾಮ ಪೂಜಾರಿ

ಅಧ್ಯಕ್ಷರು, ರಾಣಿ ಅಬ್ಬಕ್ಕ ತುಳು ಅಧ್ಯಯನ ಕೇಂದ್ರ,

ಸಂಚಯ ಗಿರಿ, ಪೋಸ್ಟ್ ಆಫೀಸ್ ರಸ್ತೆ.

ಬಿ.ಸಿ.ರೋಡ್-೫೭೪೨೧೯

ಸದಸ್ಯರು
 
ಶ್ರೀ ಕದ್ರಿ ನವನೀತ್ ಶೆಟ್ಟಿ

ಕದ್ರಿ ಕಂಬಳ ಗುತ್ತು

ಮಂಗಳೂರು-೫೭೫೦೦೪

ಸದಸ್ಯರು
 
ಶ್ರೀ ಬಿ.ವಿ.ಸೂರ್ಯನಾರಾಯಣ

ಎಲಿಯಾ ಮನೆ, ಅಂಚೆ: ಕೆದಂಬಾಡಿ

ಪುತ್ತೂರು ದ.ಕ-೫೭೪೨೧೦

ಸದಸ್ಯರು
 
ಶ್ರೀ ರಮೇಶ್ ಕಲ್ಮಾಡಿ

ಶ್ರೀ ಮೂಕಾಂಬಿಕ ನಿವಾಸ

ಕಲ್ಮಾಡಿ ಅಂಚೆ; ಮಲ್ಪೆ-೫೭೬೧೦೮

ಸದಸ್ಯರು
 
ಶ್ರೀ ಯಾದವ.ವಿ. ಕರ್ಕೇರ

ಮಂಗಲವಿರಲಿ ಅಂಚೆ: ಹೆಜಮಾಡಿ,

ಉಡುಪಿ ತಾಲೂಕು, ಉಡುಪಿ – ೫೭೪೧೦೩

ಸದಸ್ಯರು
 
ಶ್ರೀಮತಿ ಮಂಜುಳ ಶೆಟ್ಟಿ

‘ಪೊಲಿ’ ವಿಕೆ ಪಾರ್ಕ್ ಬಳಿ ಕೋಟೆಕಣಿ ರಸ್ತೆ ,

ಉರ್ವಸ್ಟೋರ್ ಮಂಗಳೂರು-೬

ಸದಸ್ಯರು
 
ಶ್ರೀ ದುರ್ಗಾಕುಮಾರ್ ನಾಯರ್ಕೆರೆ

ಸುದ್ದಿ ಬಿಡುಗಡೆ ಶ್ರೀ ಕೃಷ್ಣ ಕಾಂಪ್ಲೆಕ್ಸ್ ,

ಸುಳ್ಯ -೫೭೪೨೩೯

ಸದಸ್ಯರು
 
ಶ್ರೀ ಬೆಳ್ವಾಯಿ ನವೀನ್ ಹೆಗ್ಡೆ

ನಂ.೧೦೨,೧ನೇ ಅಡ್ಡರಸ್ತೆ,

ವಿದ್ಯಾಮಾನ್ಯನಗರ, ವಿಶ್ವನೀಡಂ ಪೋಸ್ಟ್,

ಬೆಂಗಳೂರು-೫೬೦೦೯೧

ಸದಸ್ಯರು
 
ಶ್ರೀ ಎಂ.ಪಿ.ಶ್ರೀನಾಥ ರಾವ್

ಕನ್ನಡ ಉಪನ್ಯಾಸಕರು

ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ಕಾಲೇಜು

ಉಜಿರೆ -೫೭೪೨೪೦

ಸದಸ್ಯರು
 
ಶ್ರೀ ದಾಮೋದರ ಬಿ ಬಂಗೇರ

೪-೧೫೪/೨/೬ ನಂದಗೋಕುಲ

ಕೊಂಡಾಣ ದ್ವಾರದ ಹತ್ತಿರ ಮಾಡೂರು

ಕೋಟೆಕಾರ್ ಮಂಗಳೂರು

ಸದಸ್ಯರು
 
ಶ್ರೀ ಮೋಹನ್ ರೈ ಕರ್ನೂರು

೧೦೪/ಎ-೮ ದೀಪಾ ಎಪಾರ್ಟ್ಮೆಂಟ್

ರಾಜ್ಪಾರ್ಕ್ ಎಂ.ಎಸ್.ಜಿ.ಸೊಸೈಟಿ ಪಾರ್ಸಿಕ್ ನಗರ

ಕಲ್ವ (ಪಶ್ಚಿಮ) ಥಾಣೆ ಮುಂಬಯಿ-೪೦೦೬೦೫

ಸದಸ್ಯರು
 

ಉಮಾನಾಥ ಕೋಟ್ಯಾನ್

ಉಮಾನಾಥ ಕೋಟ್ಯಾನ್ ನಾಟಕ, ಸಿನಿಮಾ, ಸಾಂಸ್ಕೃತಿಕ ಕ್ಷೇತ್ರೋಡು ಬೆನ್ನಿ ಬೆಂತಿನಾರ್. ಸಂಘ ಪರಿವಾರೊಡು ಬೆಂದಿನ ಮೇರ್ ಬಿಜೆಪಿ ಪಕ್ಷದ ಸಕ್ರಿಯ ಕಾರ್ಯಕರ್ತೆ. ಸುಮಾರ್ ಐನೂದು ಮಿಕ್ಕಿನ ನಾಟಕೊಲೆಡ್ ಅಭಿನಯ ಮಲ್ತಿನ ಕೋಟ್ಯಾನ್ ಜನೊಕ್ಲೆನ ಮನಸ್ ಗೆಂದಿನಾರ್. ಬೇತೆ ಬೇತೆ ಪಾತ್ರೊಲೆನ್ ನಿರ್ವಹಿಸಾದ್ ಜನೊಕ್ಲೆನ ಪುಗರ್ತೆ ಪಡೆಯಿನಾರ್. ದೈವ-ದೇವಸ್ಥಾನದ ಜೀರ್ಣೋದ್ಧಾರ ಸಮಿತಿಡ್ ಎಡೇನ ಬೆಂದ್ದ್ ಅನುಭವ ಪಡೆತಿನಾರ್. ತುಳು ಕನ್ನಡ ಸಿನೆಮಾ ಅಂಚನೆ ಧಾರಾವಾಹಿಲೆಡ್ ತನ್ನ ಅಭಿನಯೊನು ಮಿನ್ಕ್ದೆರ್. ಇತ್ತೆ ಬಿಜೆಪಿ ಪಕ್ಷೆಡು ಜಿಲ್ಲಾ ಉಪಾಧ್ಯಾಕ್ಷೆರಾದ್ಲಾ ಕೆಲಸ ಮಲ್ತೊಂದುಲ್ಲೆರ್.

ತುಳು ಬಾಸೆ, ಸಾಹಿತ್ಯ, ಕಲೆ, ಸಂಸ್ಕೃತಿದ ಒರಿಪುದ ಬಗ್ಗೆ ವಿಸೇಸ ಆಸಕ್ತಿ ದೀವೊಂದಿನಾರ್. ಜನೊಕ್ಲೆನ್ ಒಟ್ಟಿಗೆ ಸೇರಾದ್ ಕೆಲಸ ಮಲ್ಪುನ ವಿಸೇಸ ನಾಯಕತ್ವದ ಗುಣಲಾ ಮೆರೆಡ ಉಂಡು.
ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಪೊಸ ಗುರ್ಕಾರೆರಾದೆರ್ ಕುಡ್ಲದ ಉಮಾನಾಥ ಕೋಟ್ಯಾನ್.

ಸದಸ್ಯೆರ್:

ಜಗನ್ನಾಥ ಶೆಟ್ಟಿ ಬಾಳ

ಕುಡ್ಲದ ಸುರತ್ಕಲ್ದ ಕೈತಲ್ದ ‘ಬಾಳ’ದಾರ್. ಪತ್ರಿಕೋದ್ಯಮ ರಂಗೊಡು ೨೫ ವರ್ಸೊರ್ದು ಬೇಲೆ ಬೆನೊಂದುಲ್ಲೆರ್. ವಡ್ಡರ್ಸೆ ರಘುರಾಮ ಶೆಟ್ರೆನ ‘ಮುಂಗಾರು’ ಪತ್ರಿಕೆದ ಮುಕಾಂತ್ರ ಪತ್ರಿಕೋದ್ಯಮ ಕ್ಷೇತ್ರೊಗು ಪಜ್ಜೆ ದೀಯೆರ್. ಬೊಕ್ಕ ಹೊಸ ಸಂಜೆ, ಕರಾವಳಿ ಮಿತ್ರ, ಕರಾವಳಿ ಮಾರುತ ಪತ್ರಿಕೆಲೆಡ್ ಬೆಂದ್ದ್, ಇತ್ತೆ ಕರಿನ ಎಡ್ಮ ವರ್ಸೊರ್ದಿಂಚಿ ‘ಜಯಕಿರಣ’ ಕನ್ನಡ ದಿನಪತ್ರಿಕೆಡ್ ಬೆನೊಂದುಲ್ಲೆರ್, ಹಿರಿಯ ಉಪಸಂಪಾದಕೆರಾದ್, ಮುಖ್ಯ ವರದಿಗಾರೆರಾದ್, ಇತ್ತೆ ಸುದ್ದಿ ಸಂಪಾದಕೆರಾದ್ ಸುದ್ದಿ ವಲಯೊಡು ಸಕ್ರಿಯವಾದುಪ್ಪುನ ಜಗನ್ನಾಥ ಶೆಟ್ರ್ ‘ಹೊಸ ಸಂಜೆ’, ‘ಜಯ ಕಿರಣ’ ಪತ್ರಿಕೆಲೆಡ್ ತುಳುಕ್ಕಾದ್ ಪ್ರತ್ಯೇಕ ಒಂಜಿ ಅಂಕಣೊನೇ ದೆತ್ತ್ ದೀದಿತ್ತೆರ್.

ಪ್ರೊ. ತುಕಾರಾಮ ಪೂಜಾರಿ ಪಿ.
ವಸ್ತು ಸಂಗ್ರಹಾಲಯ ಶಾಸ್ತ್ರೋಡು ಎಂ.ಎ., ಎಂ.ಫಿಲ್. ಪದವೀಧರೆರಾಯಿನ ತುಕಾರಾಮ ಪೂಜಾರಿ, ಬಂಟ್ವಾಳ ಶ್ರೀ ವೆಂಕಟ್ರಮಣ ಸ್ವಾಮೀ ಕಾಲೇಜಿಡ್ ಇತಿಹಾಸ ವಿಭಾಗದ ಮುಖ್ಯಸ್ಥೆರಾದುಲ್ಲೆರ್.
೧೯೯೫ಟ್ ಮೇರ್ ತಾಪನೆ ಮಲ್ತಿನ ರಾಣಿ ಅಬ್ಬಕ್ಕ ತುಳು ಅಧ್ಯಯನ ಕೇಂದ್ರ ಬೊಕ್ಕ ತುಳು ಬದುಕು ವಸ್ತು ಸಂಗ್ರಹಾಲಯದ ಮುಕಾಂತ್ರ ತುಳುನಾಡ್ದ ಇತಿಹಾಸ, ಜಾನಪದ ಬೊಕ್ಕ ನಾಣ್ಯೆಲೆನ ಅಪುರ್ಪದ ಸಂಗ್ರಹದ ಯವಸ್ತೆನ್ ಒರಿಯೇ ಮಲ್ತ್ದ್ ಇನಿ ದೇಶ-ವಿದೇಶದ ಸಂಶೋಧಕೆರೆಗ್ ಸಂಶೋಧನೆಗ್ ಇಂಬು ಮಲ್ತ್ ಕೊರ್ತೆರ್. ಈಲ್ಲೆ ಇಡಿಟ್ಪ್ ಸಾಹಿತ್ಯ – ಸಾಂಸ್ಕೃತಿಕ ಸಮ್ಮೇಳನೊಲೆಡ್ ಪಾಲ್ದೆತೊಂದು ಜನಕ್ಲೆಗ್ ತುಳು ಬದ್ಕ್ ಪರಸಿರಿ – ಪರಪೋಕುದ ಬಗೆಟ್ ಆಸಕ್ತಿ ಪುಟ್ಟಾವುನ ಪ್ರಯತ್ನ ಮಲ್ತೊಂದುಲ್ಲೆರ್.

ರಾಷ್ಟ್ರೀಯ – ಅಂತರ್ರಾಷ್ಟ್ರೀಯ ವೇದಿಕೆಲೆಡ್ ಸಂಪನ್ಮೂಲ ವ್ಯಕ್ತಿ ಯಾದ್ ಪ್ರಬಂಧ ಮಂಡನೆ ಮಲ್ತ್ದೆರ್. ಮಸ್ತ್ ಸಂಘಟನೆಲೆಡ್ ಪದಾಧಿಕಾರಿಯಾದ್, ಸದಸ್ಯೆರಾದ್ ಬೆಂತೆರ್. ದಿಂಜ ಬೂಕುಲೆನ್ ಬರೆಪೆರ್. ಯುವ ಸಾಧಕ ತುಳುಶ್ರೀ, ಒಡಯೂರ್ದ ತುಳು ಐಸಿರೊ, ಸ್ಕಂದಶ್ರೀ, ದ.ಕ. ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ, ಉದಯ ಟಿ.ವಿ.ದ ಆದರ್ಶ ದಂಪತಿ ಪ್ರಶಸ್ತಿಲೆನ ಪಡೆವೊಂದೆರ್.
ನಮ್ಮ ರಾಜ್ಯದ ಜನಪ್ರಿಯ ಕನ್ನಡ ಬೊಕ್ಕ ಇಂಗ್ಲೀಷ್ ಪತ್ರಿಕೆಲೆಡ್ ಅಂಚನೇ ದೃಶ್ಯ ಮಾಧ್ಯಮೊಲೆಡ್ ಮೇರೆನ ಲೇಖನೊಲು, ಸಂದರ್ಶನ ಬೊಕ್ಕ ಕಾರ್ಯಕ್ರಮೊಲು ಪ್ರಸಾರ ಆತ.

ಡಾ. ಎಸ್. ಪದ್ಮನಾಭ ಭಟ್ಟ ಯೆಕ್ಕಾರು

ಮಂಗಳೂರು ವಿಶ್ವವಿದ್ಯಾನಿಲಯದ ಎಂ.ಎ. ಬೊಕ್ಕ ಪಿ.ಹೆಚ್.ಡಿ. ಪದವೀಧರೆರ್. ಸುಮಾರ್ ಜನಕ್ಕ್ ಎಂ.ಫಿಲ್. ಪದವಿಗ್ ಬೊಕ್ಕ ಪಿ.ಹೆಚ್ಡಿ. ಸಂಶೋಧನೆಗ್ ಮಾರ್ಗದರ್ಶನ ಮಲ್ತ್ದೆರ್. ರಾಜ್ಯ ಬೊಕ್ಕ ರಾಷ್ಟ್ರಮಟ್ಟದ ಮಸ್ತ್ ವಿಚಾರ ಸಂಕಿರಣೊಲೆಡ್ ಪ್ರಬಂಧ ಮಂಡನೆ ಮಲ್ತ್ದೆರ್. ಕನ್ನಡ, ತುಳು ಬೊಕ್ಕ ಇಂಗ್ಲಿಷ್ ಬಾಸೆಲೆಡ್ ಮೇರ್ ಬರೆತಿನ ಲೇಖನೊಲು ಪ್ರಕಟ ಆತ. ರಾಜ್ಯ ಶಾಸ್ತ್ರೊ ವಿಷಯದ ಬಗೆಟ್ ಮೇರ್ ಬರೆಯಿನ ೧೨ ಬೂಕುಲು ಪ್ರಕಟವಾದ್, ಪಿ.ಯು.ಸಿ.ಗ್ ಬೊಕ್ಕ ಮಂಗಳೂರು ವಿಶ್ವವಿದ್ಯಾಲಯದ ಪದವಿ ತರಗತಿಲೆಗ್ ಪಠ್ಯ ಆತ.

ಮಂಗಳೂರು ವಿಶ್ವವಿದ್ಯಾಲಯದ ರಾಜ್ಯಶಾಸ್ತ್ರ ವಿಭಾಗ ಬೊಕ್ಕ ಉಜಿರೆದ ಶ್ರೀ ಮಂಜುನಾಥೇಶ್ವರ ಸ್ವಾಯಿತ್ತ ಮಹಾವಿದ್ಯಾಲಯದ ಅಧ್ಯಯನ ಮಂಡಳಿದ ಸದಸ್ಯೆರ್ ತುಳು ಜಾನಪದ ಬೂಕು ‘ರಾಶಿ’ದ ಒತ್ತು ಸಂಪಾದಕರಾರ್ ಕೆಲಸ ಮಲ್ದೆರ್. ಕುಡ್ಲದ ಆಕಾಶವಾಣಿಡ್ ತುಳುನಾಟಕ ಕಲಾವಿದೆರ್. ಶಿರ್ವದ ಸಂತ ಮೇರಿ ಮಹಾವಿದ್ಯಾಲಯೊಡು ಸಹಾಯ ಪ್ರಾಧ್ಯಾಪಕೆರಾದ್ ಬೇಲೆ ಮಲ್ತೊಂದುಲ್ಲೆರ್.

ಕದ್ರಿ ನವನೀತ ಶೆಟ್ಟಿ

ಕುಡ್ಲದ ಕದ್ರಿಕಂಬಳ ಗುತ್ತುದ ನವನೀತ ಶೆಟ್ರ್ ‘ದಿ ಟೈಮ್ಸ್ ಆಫ್ ಇಂಡಿಯಾ’ ಪತ್ರಿಕೆಡ್ ಮಂಗಳೂರು ಪ್ರಸರಣ ವಿಭಾಗದ ಮುಖ್ಯಸ್ಥೆರಾದ್ ಕರಿನ ೨೩ ವರ್ಸೊರ್ದು ಬೆನೊಂದುಲ್ಲೆರ್. ವಿಜಯ ಕರ್ನಾಟಕ ಪತ್ರಿಕೆದ ೫ ಜಿಲ್ಲೆಲೆನ ಪ್ರಸರಣ ಮುಖ್ಯಸ್ಥೆರ್.

ಲಯನ್ಸ್ ಕ್ಲಬ್ ಕೊಡಿಯಾಲ್ಬೈಲ್ದ ಒತ್ತು ಗುರಿಕಾರ್ರಾದ್, ಗುರಿಕಾರ್ರಾದ್ ಎಡೇನ ಸಾಧನೆ ಮಲ್ತ್ದ್ ಮಸ್ತ್ ಪುಗರ್ತೆ ಸಮ್ಮಾನ ಪಡವೊಂದೆರ್. ಲಯನ್ಸ್ ಪ್ರಾಂತೀಯ ಅಧ್ಯಕ್ಷೆರಾದಿಪ್ಪುನಗ ಅಂತರ್ರಾಷ್ಟ್ರೀಯ ಪುಗರ್ತೆನ್ಲಾ ಪಡೆವೊಂದೆರ್.

ಮಂಗಳೂರು ವಿಶ್ವವಿದ್ಯಾನಿಲಯದ ಎಂ.ಬಿ.ಎ. ಪದವೀಧರೆರ್. ಹವ್ಯಾಸಿ ಯಕ್ಷಗಾನ ಕಲಾವಿದೆ ಪ್ರಸಂಗ ಸಂಪಾದಕೆ ಬೊಕ್ಕ ನಿರ್ದೇಶಕರಾದುಪ್ಪುನ ನವನೀತೆರೆನ ಕಲ್ಪನೆಡ್ ಮೂಡುದುಬತ್ತಿನ ‘ಕುರುಕ್ಷೇತ್ರಕ್ಕೊಂದು ಆಯೋಗ’ ಒಂಜಿ ವಿಶಿಷ್ಟ ರಂಗ ಪ್ರಯೋಗ ಆದ್ ಯಕ್ಷಾಭಿಮಾನಿಲೆನ, ವಿಮರ್ಶೆಕೆರೆನ ಪುಗರ್ತೆ ಪಡೆವೊಂದುಂಡು. ೧೭ ತುಳು ನಾಟಕೊಲೆನ್ ಬರೆತೆರ್. ದ.ಕ. ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ, ತುಳು ಸಾಹಿತ್ಯ ಅಕಾಡೆಮಿದ ಪುಸ್ತಕ ಪ್ರಶಸ್ತಿ. ಸಾಂಸ್ಕೃತಿಕ ತುಳು ರತ್ನ ಪ್ರಶಸ್ತಿ. ಧರ್ಮಸ್ಥಳ ರತ್ನವರ್ಮ ಹೆಗ್ಗಡೆ ಪ್ರಶಸ್ತಿ ಇಂಚ ಮಸ್ತ್ ಪುಗರ್ತೆಲೆನ್ ಪಡೆವೊಂದೆರ್.

ಯಾದವ್ ವಿ. ಕರ್ಕೇರಾ, ಸಸಿಹಿತ್ಲು

ಪಡ್ಡೆದ್ರದ ಸರಕಾರಿ ಪದವಿಪೂರ್ವ ಕಾಲೇಜಿಡ್ ಆಂಗ್ಲಭಾಷಾ ಉಪನ್ಯಾಸಕೆರಾದ್ ಬೇಲೆ ಮಲ್ತೊಂದುಲ್ಲೆರ್. ತುಳು-ಕನ್ನಡ ಬಾಸೆಲೆಡ್ ಕತೆ, ಕವನ, ಲೇಖನ ಬರೆಪುನವು ಮೆರೆನ ಹವ್ಯಾಸ, ‘ಮಹಾವನಿತೆ’ ಕನ್ನಡ ಕೃತಿಕ್ ಇನಾಮು ತಿಕ್ದ್ಂಡ್. ಮದಪ್ಪೆರಾವಂದಿ ತುಳುವೆರೆ ಮಾಲಿಕೆಡ್ ಮೇರ್ ಬರೆತಿನ ‘ರಾಣಿ ಅಬ್ಬಕ್ಕದೇವಿ’ ತುಳು ಕೃತಿ ಬೊಲ್ಪುಗು ಬೈದೆಂಡ್. ಜಾನಪದ ನಲಿಕೆದ ಕೂಟೊಲೆನ್ ಕಟ್ದಿನಾರ್. ತುಳು ಸಂಘಟನೆಲೆಡ್ ಕ್ರಿಯಾಶೀಲವಾದುಲ್ಲೆರ್. ಪ್ರೌಢಶಾಲಾ ತುಳು ಪಠ್ಯಪುಸ್ತಕ ಸಮಿತಿದ ಸದಸ್ಯೆರಾದ ನೇಮಕ ಆತೆರ್.

ಬಿ. ವಿ. ಸೂರ್ಯನಾರಾಯಣ

ಪುತ್ತೂರುದ ಕೆದಂಬಾಡಿಡ್ ಉಪ್ಪುನ ಸೂರ್ಯನಾರಾಯಣೆರ್ ವೃತ್ತಿಡ್ ಇಂಗ್ಲೀಷ್ ಉಪನ್ಯಾಸಕೆರ್. ಪುತ್ತೂರುದ ಸರಕಾರಿ ಪದವಿಪೂರ್ವ ಕಾಲೇಜಿಡ್ ಇಂಗ್ಲೀಷ್ ಕಲ್ಪವೊಂದೇ ತುಳು ಸಂಘೋನು ಕಟ್ದ್ ಪೊಸ ಕಾಲದ ಜೋಕ್ಲೆಗ್ ತುಳು ಬಾಸೆ – ಪರಪುದ ಸಿರಿವಂತಿಕೆದ ಪೊಲಬು ಮಲ್ತ್ ಕೊರೊಂದುಲ್ಲೆರ್. ಜೇಸೀ ಸಂಸ್ಥೆದ ತರಬೇತುದಾರೆರಾದ ರಾಷ್ಟ್ರ – ರಾಜ್ಯ ಮಟ್ಟಡ್ ಮಸ್ತ್ ತರಬೇತಿ ಕಾರ್ಯಕ್ರಮಕ್ಲೆನ್ ನಡಪಾದ್ ಕೊರ್ತೆರ್. ಪುತ್ತೂರುದ ಕೇಬಲ್ ಟಿ. ವಿ.ಡ್ ನಿರೂಪಕೆರಾದ್ ರಸಪ್ರಶ್ನೆ, ಹಲೋಡಾಕ್ಟರ್, ಇಂಚಿಪ್ಪ ಕಾರ್ಯಕ್ರಮಕ್ಲೆನ್, ಸಂದರ್ಶನೊಲೆನ್ ಮಲ್ತ್ದೆರ್. ಶಿಕ್ಷಣ ಕ್ಷೇತ್ರದ ಕರಿನ ೨೭ ವರ್ಸೊದ ಅನುಭವೊನು ಪತ್ರಿಕೆ, ಟಿ.ವಿ., ತರಗತಿಕೋಣೆ, ಸಾರ್ವಜನಿಕ ವೇದಿಕೆಲೆನ ಮುಕ್ರಾಂತ ಪಟೊಂದು ಕ್ರಿಯಾಶೀಲೆರಾದುಲ್ಲೆರ್.

ಮಂಜುಳಾ ಶೆಟ್ಟಿ

ಕುಡ್ಲ ಸರಕಾರಿ ಮಹಿಳಾ ಡಿ.ಇಡಿ ಕಾಲೇಜು, ಬಲ್ಮಠ ಮುಲ್ಪ ಉಪನ್ಯಾಸಕಿ ಯಾದ್ ಬೇಲೆ ಮಲ್ತೊಂದುಲ್ಲೆರ್. ಮಂಗಳೂರು ವಿಶ್ವವಿದ್ಯಾನಿಲಯದ ಎಂ.ಎ., ಎಂ.ಎಡ್., ಬೊಕ್ಕ ಎಂ.ಫಿಲ್., ಪದವಿಲೆನ್ ಪಡೆವೊಂಡೆರ್. ಕುಡ್ಲದ ಆಕಾಶವಾಣಿದ ತುಳು ವಿಭಾಗ, ವನಿತಾವಾಣಿ ಬೊಕ್ಕ ಯುವವಾಣಿ ವಿಭಾಗೊಲೆನ ಮೂಲಕ ಮೆರೆನ ಕತೆ, ಕವನ, ಭಾಷಣೊಲು ಪ್ರಸಾರ ಆತ. ಜಿಲ್ಲಾ ರಾಜ್ಯ ಮಟ್ಟದ ವೇದಿಕೆಲೆಡ್ ಪ್ರಬಂಧ ಮಂಡನೆ ಮಲ್ತ್ದೆರ್. ವಿಶ್ವ ತುಳು ಸಮ್ಮೇಳನ, ಅಖಿಲ ಭಾರತ ಕನ್ನಡ ಸಾಹಿತ್ಯ ಸಮ್ಮೇಳನ॒ ॒ಇಂಚ ರಾಷ್ಟ್ರ-ರಾಜ್ಯ – ಜಿಲ್ಲಾ ಮಟ್ಟದ ಮಸ್ತ್ ಪೆರ್ಮೆದ ಉಚ್ಚಯೊ – ಸಮ್ಮೇಳನೊಲೆಡ್ ಕಾರ್ಯಕ್ರಮ ನಿರೂಪಕೆರಾದ್, ಸಂಗೀತ, ನೃತ್ಯ ಬೊಕ್ಕ ಜಾನಪದ ಪಂತೊಲೆನ ತೀರ್ಪುಗಾರೆರಾದ್, ತರಬೇತುದಾರೆರಾದ್ ಕೆಲಸ ಮಲ್ದೆರ್.

ಮೆರೆನ ‘ದ್ರೌಪದಿಯ ಸ್ವತ’ ಕವನ ಸಂಕಲನ ಬೊಕ್ಕ ‘ಕಲ್ಜಿಗದ ಕರ್ಣೆ ಕಾರ್ನಾಡ್ ಸದಾಶಿವರಾಯೆರ್’ ಬೂಕುಲು ಬೊಲ್ಪುಗು ಬೈದ. ಜಿಲ್ಲಾ ಮಟ್ಟದ ಪ್ರತಿಭಾವಂತ ಶಿಕ್ಷಕಿ ಪ್ರಶಸ್ತಿ. ರಾಜ್ಯಮಟ್ಟದ ‘ಜ್ಞಾನ ಸರಸ್ವತಿ’ ಪ್ರಶಸ್ತಿಲು ಮೇರೆಗ್ ತಿಕ್ಕ್ ದ.

ರಮೇಶ್ ಕಲ್ಮಾಡಿ

ರಮೇಶ್ ಕಲ್ಮಾಡಿ ಕಾರ್ಲದ ಶಾಲೆಡ್ ಪುದರ್ ಪಡೆಯಿನ ಶಿಕ್ಷಕೆ. ಮೆರೆಗ್ ತುಳು ಜನಪದ ಕುಣಿತೊಡು ವಿಶೇಷ ಆಸಕ್ತಿ ಉಂಡು. ಮಸ್ತ್ ಜನಪದ ಕುಣಿತದ ತಂಡೊನು ಕಟ್ಟ್ದ್ ತರಬೇತಿ ಕೊರ್ದು ಮಸ್ತ್ ಕೋಡಿಡ್ ಪ್ರದರ್ಶನಲಾ ಕೊರ್ತೆರ್. ಇನಾಮುನ್ಲಾ ಪಡೆತೆರ್. ಶಿಕ್ಷಣ ಇಲಾಖೆದ ಸಂಪನ್ಮೂಲ ವ್ಯಕ್ತಿಯಾದ್ ಉಲ್ಲೆರ್. ಶಾಲೆಡ್ ಬೋದನೆಡ್ ಪೊಸ ಪೊಸ ಪ್ರಯೋಗೊಲೆನ್ ಮಲ್ತ್ದ್ ಜೋಕುಲೆನ ಮೆಚ್ಚುಗೆ ಪಡೆಯಿನ ಶಿಕ್ಷಕೆರ್ ಆದ್ ಪುದರ್ ಪಡೆತೆರ್.

ದುರ್ಗಾಕುಮಾರ್ ನಾಯರ್ಕೆರೆ, ಸುಳ್ಯ

ವೃತ್ತಿಡ್ ಪತ್ರಕರ್ತೆರ್. ಸಂಶೋಧನೆ, ಸಾಹಿತ್ಯ, ಸಂಘಟನೆ.॒ ಇಂಚ ಕ್ರಿಯಾಶೀಲೆರಾದುಪ್ಪುನ ದುರ್ಗಾಕುಮಾರ್ ಇತ್ತೆ ‘ಕನ್ನಡ ಪ್ರಭ’ ಪತ್ರಿಕೆದ ವರದಿಗಾರೆರಾದ್, ‘ಸುದ್ದಿ ಮೀಡಿಯಾ ಕ್ರಿಯೇಷನ್ಸ್ ಬೊಕ್ಕ ಟ್ರೈನಿಂಗ್ ಸೆಂಟರ್’ದ ನಿರ್ದೇಶಕರಾದ್ ಕೆಲಸ ಮಲ್ತೊಂದುಲ್ಲೆರ್. ತುಳು ಸಾಹಿತ್ಯ, ಸಂಸ್ಕೃತಿ ಬೊಕ್ಕ ಜಾನಪದ ವಿಷಯೊಲೆ ಬಗೆಟ್ ಎಡೇನ ಆಸಕ್ತಿ ಉಪ್ಪುನ ದುರ್ಗಾಕುಮಾರ್ ‘ತುಳುನಾಡಿನ ಪುರಾತನ ತರವಾಡು ಮನೆಗಳು’ ಪನ್ಪಿನ ವಿಷಯೊದ ಬಗೆಟ್ ಸಂಶೋಧನಾ ಪ್ರಬಂಧನ್ ಬರೆತೆರ್. ಜಾನಪದ ಕಜ್ಜಕೊಟ್ಯಲೆನ್ ನಡಪಾದ್ ಕೊರ್ತೆರ್. ತುಳುಟು ಮಸ್ತ್ ಲೇಖನೊಲೆನ್ ಬರೆತೆರ್. ಖಾಸಗಿ ಟಿ.ವಿ.ಡ್ ಸಾಕ್ಷ್ಯಚಿತ್ರ ನಿರ್ದೇಶಕೆರಾದ್, ಕಾರ್ಯಕ್ರಮ ನಿರೂಪಕೆರಾದ್ ಬೇಲೆ ಮಲ್ದೆರ್. ವಿಚಾರಗೊಟ್ಟಿಲೆಡ್ ಪ್ರಬಂಧ ಮಂಡನೆ ಮಲ್ತ್ದೆರ್. ಪತ್ರಿಕೋದ್ಯಮ ವಿಷಯದ ಬಗೆಟ್ ದಕ್ಷಿಣ ಕನ್ನಡ, ಉಡುಪಿ, ಕೊಡಗು ಬೊಕ್ಕ ಕಾಸರಗೋಡು ಜಿಲ್ಲೆಲೆಡ್ ನೂದೆಕ್ಲಾ ಹೆಚ್ಚ ತರಬೇತಿ ಬೊಕ್ಕ ಉಪನ್ಯಾಸ ಕೊರ್ತೆರ್. ರಾಜ್ಯ, ಜಿಲ್ಲೆ ಬೊಕ್ಕ ತಾಲೂಕು ಮಟ್ಟದ ಮಸ್ತ್ ಪುಗರ್ತೆ ಸಮ್ಮಾನೊಲು ಮೆರೆಗ್ ಸಂದ್ದ. ಮೆರೆನ ಉಸ್ತುವಾರಿಡ್ ಸುಳ್ಯಡ್ ರಾಜ್ಯಮಟ್ಟದ ಪತ್ರಿಕೋದ್ಯಮ ಶಿಬಿರ ಬೊಕ್ಕ ರಾಜ್ಯಮಟ್ಟದ ಕಥಾಕಮ್ಮಟೊಲು ನಡತ್ದ.

ಡಾ. ಎಂ. ಪಿ. ಶ್ರೀನಾಥ ರಾವ್
ಕೊಕ್ಕಡದ ಬೆನ್ನಿದ ಕುಟುಮೊಡು ಪುಟ್ಟಿನ ಶ್ರೀನಾಥೆರ್ ಕನ್ನಡ ಸಾಹಿತ್ಯೊಡು ಎಂ.ಎ., ಎಂ.ಫಿಲ್., ಪಿ.ಹೆಚ್ಡಿ., ಪದವೀಧರೆರ್. ಉಜಿರೆದ ಎಸ್.ಡಿ.ಎಂ. ಕಾಲೇಜಿಡ್ ಉಪನ್ಯಾಸಕೆರಾದ್ ಬೇಲೆ ಮಲ್ತೊಂದು, ರಾಜ್ಯ -ರಾಷ್ಟ್ರಮಟ್ಟದ ಮಸ್ತ್ ಕಜ್ಜಕೊಟ್ಟ ಬೊಕ್ಕ ಕಮ್ಮಟೊಲೆಡ್ ಪಾಲ್ ದೆತೊಂಡೆರ್. ರಾಷ್ಟ್ರೀಯ ಸೇವಾ ಯೋಜನೆ, ಜೇಸಿ, ದಕ್ಷಿಣ ಕನ್ನಡ ಜಿಲ್ಲಾ ಸಾಹಿತ್ಯ ಪರಿಷತ್ .॒. ಈ ಸಂಸ್ಥೆಲೆನ ಪದಾಧಿಕಾರಿಯಾದ್ ಸಾಹಿತ್ಯ, ಸಂಸ್ಕೃತಿ, ಸಮಾಜಸೇವೆ ಇಂಚ ಬೇತೆ ಬೇತೆ ಕ್ಷೇತ್ರೊಲೆಡ್ ಬೆಂತೆರ್. ೨೦೦೯ಡ್ ಉಜಿರೆಡ್ ನಡತಿನ ವಿಶ್ವತುಳು ಸಮ್ಮೇಳನದ ಸಂಯೋಜನಕೆರಾದ್, ತುಳು ಬೂಕುಲೆನ ಪ್ರದರ್ಶನ ಬೊಕ್ಕ ಮಾರಾಟದ ಯವಸ್ತೆ, ತುಳುವರೆ ದರ್ಶನ, ಛಾಯಾಚಿತ್ರ ಸಂಕಲನದ ಸಂಯೋಜನಕೆರಾದ್ ತುಳುತ್ತ ಚಾಕಿರಿ ಮಲ್ತ್ದೆರ್. ೨೦೦೬ಡ್ ಬಸವ ಕೇಂದ್ರ ಮುರುಘಾಮದ ಮುಲ್ತ ‘ಶಿಕ್ಷಕರತ್ನ’ ಪುಗರ್ತೆದ ಮಾನಾದಿಗೆ ಮೆರೆಗ್ ಸಂದ್ದ್ಂಡ್.

ದಾಮೋದರ ಬಿ. ಬಂಗೇರ

ಕುಡ್ಲಡ್ ಹೈಸ್ಕೂಲು ಮುಗಿತಿನ ದಾಮೋದರ ಬಂಗೇರೆರ್ ಮುಂಬೈದ ಜೈಹಿಂದ್ ಕಾಲೇಜಿಡ್ ಕಲ್ತೊಂದಿಪ್ಪುನಗ ನಾಟಕದ ಆಸಕ್ತಿ ಪುಟ್ಟುಂಡು. ಕಾಲೇಜಿ ಕಲ್ತೊಂದಿಪ್ಪುನಗನೇ ನಾಟಕ ರಚನೆ ಮಲ್ತ್ದ್ ನಾಟಕ ಪಂತೊಲೆಡ್ ಭಾಗವಹಿಸಾದ್, ಮಾತ ವಿಭಾಗೊಲೆಡ್ಲಾ ಸುರುತ್ತ ಇನಾಮು ಪಡೆವೊಂದಿತ್ತೆರ್.

ಭಾರತೀಯ ರಿಸರ್ವ್ ಬ್ಯಾಂಕ್ಡ್ ಬೇಲೆಗ್ ಸೇರ್ದ್ ಅಲ್ಪಲಾ ನಾಟಕ ತಂಡೊನು ಕಟ್ದ್ ಅಂತರ್ಬ್ಯಾಂಕ್ ನಾಟಕ ಪಂತೊಡು ಭಾಗವಹಿಸಾಯೆರ್. ತುಳು-ಕನ್ನಡ-ಹಿಂದಿ – ಮರಾಠಿ ಇಂಚ ಮಸ್ತ್ ಬಾಸೆದ ನಾಟಕೊಲೆಡ್ ನಟನೆ ಮಲ್ತ್ದೆರ್. ರಂಗವಿನ್ಯಾಸ ಬೊಕ್ಕ ದೀಪಾಲಂಕಾರ ಕ್ಷೇತ್ರೊಡುಲಾ ಬೆಂತೆರ್.

ಕರೆಂಟ್ ಪೋಂಡು, ಅಲೆಗಿನಿ ಶನಿವಾರ, ಮುಕುಂದೆ ತಿಕ್ಕೊಂದೆ, ಇಲ್ಲ್ ಬುಡೆಯ, ಕಾಸ್ ಎಂಚಾಂಡ್… ಇಂಚ ಮಸ್ತ್ ಪುದರಾಯಿನ ನಾಟಕೊಲೆನ ನಿರ್ದೇಶಕರಾದ ಎಡ್ಡೆ ಪುದರ್ ಪಡೆವೊಂದಿನ ದಾಮೋದರ ಬಂಗೇರರ್ ‘ಬದ್ಕೊಂಜಿ ಕಬಿತೆ’ ಬೊಕ್ಕ ‘ನಿರೆಲ್’ ತುಳು ಸಿನೆಮೊಲೆನ್ ನಿರ್ದೇಶನ ಮಲ್ತ್ದೆರ್. ‘ದರ್ಮ ಇತ್ತಿ ಮಣ್ಣ್’ ತುಳು ಧಾರಾವಾಹಿನ್ ನಿರ್ದೇಶನ ಮಲ್ತ್ದೆರ್. ನಾಟಕ ಬೊಕ್ಕ ಕಿರುತೆರೆ ಧಾರಾವಾಹಿಲೆನ ಮುಕಾಂತ್ರ ಮಸ್ತ್ ಪೊಸ ಕಲಾವಿದೆರನ್ ರಂಗಭೂಮಿಗ್ ಪರಿಚಯ ಮಲ್ತ್ ಕೊರ್ತೆರ್.

ಕರ್ನೂರು ಮೋಹನ್ ರೈ

ಪುದರಾಯಿನ ಯಕ್ಷಗಾನ ಕಲಾವಿದೆರ್ ಕರ್ನೂರು ಕೊರಗಪ್ಪ ರೈಕ್ಲೆನ ಮಗೆ, ಕುಡ್ಲಡ್ ಪುಟ್ಟುದ ಇತ್ತೆ ಮುಂಬೈಡ್ ಹೋಟೆಲ್ ಉದ್ಯಮಿ ಯಾದುಪ್ಪುನ ಕರ್ನೂರು ಮೋಹನ್ ರೈ ಕರಿನ ೨೦ ವರ್ಸೊದಿಂಚ ದೇಶ ಪರದೇಶೊಲೆಡ ತುಳು ನಾಟಕೊಲೆನ್ ಗೊಬ್ಬವೊಂದುಲ್ಲೆರ್.

ಕರ್ನಾಟಕ, ಮಹಾರಾಷ್ಟ್ರ, ಗುಜರಾತ್, ದೆಹಲಿ ಅತ್ತಾಂದೆ ಗಲ್ಫ್ ರಾಷ್ಟ್ರೊಲಾಯಿನ ದುಬೈ, ಮಸ್ಕತ್, ಬಹ್ರೈನ್, ಕತಾರ್, ಕುವೈಟ್.. ಇಂಚ ಸುಮಾರ್ ಒಂಜಿ ಸಾರೊರ್ದುಲಾ ಹೆಚ್ಚ ತುಳುನಾಟಕೊಲೆನ ಸಂಘಟನೆ ಮಲ್ದೆರ್.

ಮುಂಬೈಡ್ ತುಳು ನಾಟಕ, ಯಕ್ಷಗಾನ, ಟಿ.ವಿ. ಕಾರ್ಯಕ್ರಮೊಕ್ಲು ಬೊಕ್ಕ ತುಳು ಸಾಹಿತ್ಯೊಗು ಸಂಬಂದಿಸಾಯಿಸ ಕೆಲಸೊಲೆನ ಮಲ್ತೊಂದಿಪ್ಪುನಾರ್. ಮಹಾರಾಷ್ಟ್ರದ ಕನ್ನಡಿಗ ಕಲಾವಿದರ ಪರಿಷತ್, ಮುಂಬೈದ ತುಳುನಾಡ ಸಮಾಜ ಮೀರ ಭಾಯಂದರ್ ಸಂಸ್ಥೆ, ಗೀತಾಂಬಿಕ ಯಕ್ಷಗಾನ ಮಂಡಳಿ ಮುಂಬೈ, ಬಂಟರ ಸಂಘ ಮುಂಬೈ, ಕಲಾಜಗುತ್ತು, ಚಿಣ್ಣರ ಬಿಂಬ ಮುಂಬಯಿ, ಶ್ರೀಕೃಷ್ಣ ವಿಠಲ ಪ್ರತಿಷ್ಠಾನ ಮುಂಬೈ ಇಂಚ ಮಸ್ತ್ ಸಂಘಸಂಸ್ಥೆಲೆನ ಪದಾಧಿಕಾರಿಲಾದ್ ಕಲೆ-ಸಾಹಿತ್ಯ-ಸಂಸ್ಕೃತಿ ಸಏವೆ ಮಲ್ತೊಂದುಲ್ಲೆರ್. ಕುಡ್ಲದ ಚಾ-ಪರ್ಕ ಕಲಾವಿದೆರ್. ನಾಟಕ ತಂಡಗ್ ಮುಂಬೈ ಬೊಕ್ಕ ಪಿದಯಿ ದೇಶೋಲೆಗ್ ಸಂಚಾಲಕೆರಾದುಲ್ಲೆರ್.

Highslide for Wordpress Plugin